Avi’s Legeland-imiinnerit nuannersuullunilu atoruminartuussaaq. Taamaammat maleruagassanik tamanit malinneqartussanik pilersitsinikuuvugut.
Meeqqannut ilinnullu nerisassassinnik nassarnissannut tikilluaqqusaavutit.
Imeruersaatit nerisarfimmi pisiarineqarsinnaapput. Imeq kuutsitsivimmeersoq akeqanngitsuaannarpoq.
Meeqqat nerusassaat mikroovn-itsinni kissanneqarsinnaavoq.
Nerisassat imeruersaatillu nerisarfimmi nerineqarlutillu imerneqartassapput.
Meeqqanut tulluartunik issiaviiteqarpugut, minnernut annerulaanullu.
Atisat qallersaat skuullu atisaasivimmiitinneqassapput. Atisaasivik iserfiup nalaani inissisimavoq, atornermilu atuisoq nammineq akisussaasuuvoq.
Barnevogn-it klapvogn-illu Avi’s Legeland silataaniitinneqassapput.
Alerseqarnissaq eqqaamaneqassaaq – meeraannaanngitsut aamma angajoqaat! Meeqqat inersimasullu tamarmik alerseqassapput. Isigaannaaneq, klip klap-it, skuut assigisaallu atornissai inerteqqutaavoq eqqiluisaarnissaq sillimanerlu peqqutigalugit. Alersilernissat puigorsimagukku saaffiginnittarfimmi alersisinnaavutit, alersit 25 koruuneqarput.
Meqqutit, akkittartut atisanilu kapinartut allat inerteqqutaalluinnarput! Atisani kapinarsinnaasunik atuineq ilinnut allanullu ulorianarsinnaavoq.
Meeqqat pinnguartarfinniittut iverutinik, assammiunik, nalunaaquttanik assigisaannillu atussanngilat. Meeqqanut allanullu ajoqusiinissamut peqqutaasinnaammata.
Pinnguarneq tamarmi nammineq akisussaaffigineqarpoq.
Inersimasut meeqqat maleruagassanik paasissutissiinissamut akisussaapput.
Meeqqat Avi’s Legeland-imi kisimiittussangorlugit qimanneqaqqusaanngillat.
Inersimasut aatsaat meeqqanik ilalerlutik isersinnaapput.
Avi’s Legeland-i pigisanut nalilinnut, atisanut, skuunut assigisaannullu akisussaanngilaq.
Nittartakkakkut ajornanngitsumik piffissamik inniminniillutillu akiliisinnaavutit. Qaqugu, qassinut meeqqallu qassit inniminniissutissanerlugit nammineq naalagaavutit. Piffissamik inniminniinivit tigunissaa qilanaaraarput!
